பாத்திரங்கள் :
ஸ்கானாரேல் - தந்தை
லிசேத்து - வேலைக்காரி .
அற்புதச் சிகிச்சை -
காட்சி 6
லிசேத்து - ஐயோ, துன்பம்! அந்தோ, துர்ப்பாக்கியம்! பாவம்
, எஜமானர்! அவரை எங்கே நான் பார்க்க முடியும்?
ஸ்கானாரேல் - என்ன சொல்கிறாள், அவள்?
லிசேத்து - ஏ, பரிதாபத்துக்குரிய தந்தையே! இந்தச் செய்தியை நீங்கள் கேட்டால் என்ன செய்வீர்களோ?
ஸ்கானாரேல் - என்னவாக இருக்கும்?
லிசேத்து - இரக்கத்துக்குரிய என் எஜமானியே!
ஸ்கானாரேல் - தொலைந்தேன்.
லிசேத்து - ஐயா!
ஸ்கானாரேல் - லிசேத்!
லிசேத்து - எவ்வளவு துரதிர்ஷ்டம்!
ஸ்கானாரேல் - லிசேத்!
லிசேத்து - விதி .
ஸ்கானாரேல் - சொல்லு விவரமாய்.
லிசேத்து - உங்கள் மகள்!
ஸ்கானாரேல் - ஐயோ, ஐயோ! ( அழுகிறார்)
லிசேத்து - அழாதீர்கள், ஐயா!
ஸ்கானாரேல் - சொல்லேன், சீக்கிரம்.
லிசேத்து - உங்கள் மகள், நீங்கள் அவளிடம் பேசிய பேச்சாலும் நீங்கள் காட்டிய பயங்கரக் கோபத்தாலும் பாதிப்பு அடைந்து , அவசரமாய்த் தன் அறைக்குப் போய், நம்பிக்கையை அறவே இழந்த நிலையில், ஆற்றுப் பக்கம் உள்ள சன்னலைத் திறந்து ...
ஸ்கானாரேல் - அப்புறம்?
லிசேத்து - விண்ணை நோக்கிக் கண்ணை உயர்த்தி, "முடியாது, அப்பாவின் கோபத்தைத் தாங்கி வாழ என்னால் இயலாது; என்னை அவர் மகளல்ல என்று மறுதலிப்பதால் சாக விரும்புகிறேன்" எனக் கூறினார்கள்.
ஸ்கானாரேல் - குதித்துவிட்டாளா?
லிசேத்து - இல்லை, ஐயா; மெதுவாகச் சன்னலை மூடிவிட்டுக் கட்டிலில் போய்ப் படுத்துக்கொண்டு அழத் தொடங்கினார்கள். திடீர் என முகம் வெளுத்தது, மூர்ச்சை அடைந்து என் கைகளில் சாய்ந்துவிட்டார்கள்.
ஸ்கானாரேல் - ஆ! மகளே!
லிசேத்து - அசைத்து உலுக்கி நினைவுக்குக் கொண்டுவந்தேன்; ஆனால் அவ்வப்போது அதே நிலைமை திரும்புகிறது. பகலைத் தாண்ட மாட்டார்கள் ஏன்று நினைக்கிறேன்.
ஸ்கானாரேல் - சீக்கிரம், டாக்டர்களைக் கூப்பிடு; இந்த மாதிரி ஆபத்தில் எத்தனை பேர் இருந்தாலும் அதிகமல்ல. அய்யோ மகளே! அருமை மகளே!
( மருத்துவர்களுள் ஒருவனாய்க் காதலனையும் வரவழைக்கிறாள் லிசேத். மற்றவர்களுடைய முயற்சியால் நீக்க முடியாத நோயைக் காதலனுடைய "அற்புதச் சிகிச்சை" குணமாக்குகிறது. காதல் மணத்துக்கு ஸ்கானாரேலை இணங்க வைத்துவிடுகிறார்கள்.)
(முடிந்தது)
+++++++++++++++++++++++
நல்ல முடிவு...!
ReplyDeleteஆற்றின் போக்கிலேயே போய் கரைசேர்வது போல் புத்திசாலித்தனமாய் முதலாளியின் போக்கிலேயே போய் அவர் மகளின் காதலைச் சேர்த்துவைத்த வேலைக்காரியின் சமயோசிதம் வியக்கவைத்தது. ரசிக்கவைத்த வசனங்கள். நல்லதொரு நாடகப் பகிர்வுக்கும், நேர்த்தியான மொழிபெயர்ப்புக்கும் நன்றி தங்களுக்கு.
ReplyDelete